नेपाली कांग्रेसले जित्यो कीर्तिपुरको मेयर

काठमाडाैं । कीर्तिपुरको मेयर पदका लागि भएको उपनिर्वाचनमा नेपाली कांग्रेसले जितेको छ। सुरूदेखि नै अगाडि रहेका कांग्रेसका कृष्णमान डंगोलले ५३३४ मत पाएर जित हासिल गर्नुभएकाे हाे ।

उहाँका निकटतम प्रतिद्वन्द्वी नेकपा माओवादी केन्द्रका शिवशरण महर्जनले ४५५५ मत प्राप्त गर्नुभएकाे छ।

त्यस्तै नेकपा एमालेका सुरेन्द्र मानन्धरले ४३३७ मत प्राप्त गर्नु भएकाे छ ।

स्वतन्त्र उम्मेदवार राजमान महर्जनले २०३६ मत, स्वतन्त्र उम्मेदवारहरू कविकुमार महर्जनले १३१४ मत र दिनेशकुमार अधिकारीले १०४८ मत पाउनु भएकाे छ ।

यसअघि मेयर पदमा नेपाली कांग्रेसका राजकुमार नकर्मी विजयी हुनु भएकाे थियाे । उहाँले ९०४३ मत प्राप्त गर्नु भएकाे थियाे ।

वडा नम्बर १ को अध्यक्ष पदमा पनि कांग्रेसका हिरालाल महर्जनले ७७८ मत प्राप्त गरी विजयी हुनु भएकाे थियाे । यस्तै वडा नम्बर ४ मा श्यामकुमार अधिकारीले स्वतन्त्र उम्मेदवारी दिएर विजयी हुनु भएकाे थियाे ।

तीनै जना जनप्रतिनिधिको मृत्यु भएपछि उपनिर्वाचन भएको हो।

वडा नम्बर १ र वडा नम्बर तीनमा पनि नेपाली कांग्रेस नै विजयी बनेको छ। वडा १ मा इच्छाकुमार महर्जन र वडा नम्बर ४ मा राजेन्द्र बानियाँ निर्वाचित हुनुभएकाे हाे ।