कोरोना संक्रमणबाट १८ वर्षीया युवतीको मृत्यु

पर्सा । नेपालमा कोरोना संक्रमणबाट थप एक जनाको मृत्यु भएको छ ।

झाडा पखाला लागेर मृत्यु भएकी पर्साको पोखरिया नगरपालिका वडा नं. ८ जगतपुरीकी १८ वर्षीय युवतीमा मृत्युपश्चात गरिएको स्बाव परीक्षणमा कोरोना संक्रमण पुष्टि भएको हो । योसँगै नेपालमा कोरोना संक्रमणबाट मृत्यु हुनेको सङ्ख्या ५९ पुगेको छ ।

झाडापखालाको कारण सिकिस्त बनेकी ती १८ वर्षीय युवतीलाई उपचारको लागि वीरगञ्जस्थित नेशनल मेडिकल कलेजमा ल्याउनेक्रममा बाटोमा नै मृत्यु भएको थियो ।

नारायणी अस्पतालका मेडिकल सुपरिन्टेन्डेन्ट डा. मदन उपाध्यायले युवतीको स्वाब परीक्षणको गए राति रिपोर्ट पोजिटिभ आएको जानकारी दिनुभयो । साउन यता पर्सामा १३ जना कोरोना संक्रमितको मृत्यु भइसकेको छ । ०००