सुन चादिँको मूल्य अहिलेसम्मकै महंगो, तोलाकै झण्डै १ लाख

काठमाडौँ । स्थानीय बजारमा आइतबार सुन चाँदीको मूल्य हालसम्मकै महंगो भएको छ ।

शुक्रबार ९५ हजार ८०० रुपैयाँमा कारोबार भएको छापावाला सुनको मूल्य आइतबार तोलामा ५०० रुपैयाँले बढेर ९६ हजार ३०० रुपैयाँ पुगेको छ ।

तेजावी सुन पनि आइतबार तोलामा ४ सय ९५ रुपैयाँले बढेर ९५ हजार ८६० रुपैयाँ पुगेको छ ।

सुन चाँदीको मूल्यले नेपालमा नयाँ इतिहास रचेको हो । चाँदी पनि आज आइतबार तोलामा पाँच रुपैयाँले बढेको छ ।
चाँदी प्रति तोला ११ सय ५५ रुपैयाँमा कारोबार भैरहेको छ ।

नेपाल सुनचाँदी व्यवसायी महासंघले आइतबारका लागि प्रति १० ग्राम छापावाला सुनको भाउ ८२ हजार ५६० रुपैयाँ, प्रति १० ग्राम तेजावी सुनको मूल्य ८२ हजार १८५ रुपैयाँ र प्रति १० ग्राम चाँदीको मूल्य ९९० रुपैयाँ कायम गरेको छ ।