सुनकाे मूल्य घट्याे

काठमाडौं । सुनको मूल्य आइतबार ओरालो लागेको छ । आइतबार सुन तोलामा २०० रुपैयाँले घटेको हो । नेपाल सुनचाँदी व्यवसायी महासंघका अनुसार छापावाला सुन प्रतितोला ९२ हजार ७०० रुपैयाँ र तेजाबी सुन प्रतितोला ९२ हजार २५० रुपैयाँमा कारोबार भइरहेको छ ।

अघिल्लो साताको अन्तिम कारोबार दिन शुक्रबार सुन प्रतितोला ९२ हजार ९०० रुपैयाँमा किनबेच भएको थियो । गत साताभर सुनको मूल्य उकालो लागेको थियो । यसैगरी चाँदीको भाउ भने साताको पहिलो दिन स्थिर रहेको छ ।

यसदिन चाँदी प्रतितोला एक हजार २१० रुपैयाँमा खरिदबिक्री हुँदैछ । अघिल्लो साता चाँदीको भाउ पनि बढेको थियो ।