काठमाडौँ । बुद्धजयन्तीको अवसर पारेर बिहीबारदेखि प्रदर्शन सुरु गरिएका दुई नयाँ चलचित्र ‘फर्की फर्की’ र ‘पुजार सार्की’ लाई दर्शकले साथ दिएका छन् । प्रदर्शनको पहिलो…
![](https://fairnepal.com/wp-content/uploads/2018/08/17-dead-body-rep.jpg)
हुम्लामा अज्ञात रोगले ८ जनाको मृत्यु
हुम्ला । हुम्लामा अज्ञात रोगका कारण ८ जनाको मृत्यु भएको छ।पहिचान हुन नसकेको रोगका कारण ताँजाकोट गाउँपालिकामा २ बालबालिकासहित ८ जनाको मृत्यु भएको हो।
अज्ञात रोगका कारण ताँजाकोट गाउँपालिका वडा नम्बर १ का ७० वर्षीया कुशुमा रिठाल र ६० वर्षीय सुरजित खड्का, वडा नम्बर २ का ५५ वर्षीय रंगे कोली र ५ वर्षकी सुनकेसा सुनारको मृत्यु भएको स्थानीय मैला स्वास्थ्य चौकीका अहेब मोतीलाल जैशीले जानकारी दिनुभयाे ।
यस्तै वडा नम्बर ३ की ७० वर्षीया अम्मकली मल्ल, ७५ वर्षीय बज्जीरे सुनार, ५५ वर्षीय लक्ष्य सुनार र १० महिनाका सञ्जिव थापाको मृत्यु भएको हो।
सुरुमा टाउको दुख्ने, वाकवाकी लाग्ने, छाती दुख्ने, ज्वरो आउने र अन्त्यमा बिरामीको मृत्यु हुने गरेको छ।
हुम्लाका प्रमुख जिल्ला अधिकारी ढोलकराज ढकालले प्रदेश सरकारसँग समन्वय गरेर स्वास्थ्यकर्मीको टोली प्रभावित गाउँतर्फ पठाइसकिएको जानकारी दिनुभयाे । ढकालका अनुसार सदरमुकाम सिमकोटबाट पैदलै जानुपर्ने भएकाले भोलिमात्र प्रभाबित स्थानमा पुग्नेछ ।