रम्भाको च्याङलिङमा बसको ठक्करबाट हुमकुमारी घटनास्थमलै मृत्यु

पाल्पा, चैत १८
पाल्पाको रम्भा गाउँपालिका १, च्याङलिङमा बसको ठक्करबाट एक महिलाको घटनास्थलमै मृत्यु भएको छ ।

स्याङ्गजाको गल्याङबाट रामपुरतर्फ गैरहेको ग १ ख ७६३६ नम्बरको बसको ठक्कर रम्भा गाउँपालिका १ च्याङलिङकी ६६ वर्षीय हुमकुमारी सारूको मृत्यु भएको जिल्ला प्रहरी कार्यालयका प्रहरी नायब उपरिक्षक कृष्ण राज सापकोटाले जानकारी दिनुभयो । स्याङ्गजा गल्याङ्ग तर्फको कालिगण्डकी कोरीडोर कच्ची सडकखण्डको रम्भा १ च्याङ्लिङमा रोकी राखेको बसको आगाडीबाट बाटो त्रस गर्ने क्रममा अचानक बस अगाडी बढी ठक्कर दिदा सारुको मृत्यु भएको प्रहरी नायब उपरिक्षक सापकोटाले बताउनुभयो ।

घटनाको अनुशन्धनाको लागि प्रहरी चौकी हुँगी र इलाका प्रहरी कार्यालय रामपुरबाट टोली खटाई घटना बारे थप अनुशन्धन भइरहेको छ । बस र चालक जिल्ला प्रहरीको नियन्त्रणमा रहेका छन ।