पहिलोपटक बस पुग्यो, खुसीयालीमा बृहत झाँकी प्रदर्शन

पाल्पाको पूर्वी क्षेत्रस्थित विकट निस्दी गाउँपालिका–१ बाकामलाङमा पहिलो पटक बस पुगेपछि स्थानीयवासी खुशीले हर्षित भएका छन । गाउँमा बस पुगेपछि यहाँका बासिन्दाले बस चालक र यातायात व्यवसायी समितिका पदाधिकारीलाई स्वागत गर्नुका साथै स्थानीय आमा समूहले खुशीयालीमा बृहत झाँकीसमेत देखाएका थिए । गाउँमा पहिलो पटक बस भित्रिँदा निकै रमाइलो लागेको स्थानीयवासी तुकबहादुर सोतीले प्रतिक्रया दिनुभयो । रामपुर बजारदेखि साना जिप सञ्चालनमा आए पनि सडक विस्तारको समस्याका कारण ठूला गाडी गाउँमा पुग्न सकेका थिएनन् । अहिले स्थानीयवासीको सक्रियतामा सडक मर्मत गरेपछि बस गाउँमा पुर्याउन सफल भएको सडक उपभोक्ता समितिका अध्यक्ष मिनबहादुर पुलामीले बताउनु भयो । बस सेवा सञ्चालनले गाउँका उत्पादनलाई रामपुर बजारसम्म पु्याउन सहज हुनेछ ।