मध्य रातमा प्रचण्डकी कान्छी छाेरीले लेखिन् यस्ताे स्टाटस

काठमाडौं । पुनर्स्थापित नेकपा माओवादी केन्द्रका अध्यक्ष पुष्पकमल दाहाल प्रचण्डकी कान्छी छोरी गंगा दाहालले सर्वोच्च अदालतको फैसलाबाट प्रधानमन्त्री केपी शर्मा ओलीको चाहना पूरा भएको बताएकी छिन् ।

आइत बार अबेर राति फेसबुकमा स्टाटस लेखेर ओलीमाथि आक्रोश व्यक्त गरेकी छिन् । प्रचण्डको निजी सचिवालयमा कार्यरत उनले फेसबुकमा लेखेकी छन्, ‘केपी ओलीको चाहना पूरा भएको छ । आज पार्टी विभाजन भएको खुशियालीमा देशभर हर्षोल्लास मनाइरहेका छन् । आज पुष्टि नै भएको छ कि प्रधानमन्त्री हुनकै लागि पार्टी एकताको नाटक रचिएको रहेछ ।’

उनले नेपाली जनताले यसको हिसाब राख्ने चेतावनीसमेत दिएकी छन् ।