देशभर थप १ हजार २४ जनामा कोरोना संक्रमण पुष्टि

काठमाडौँ । नेपालमा आज थप १ हजार २४ जनामा कोरोना संक्रमण पुष्टि भएको छ ।

देशका बिभिन्न स्थानमा गरिएको परीक्षणका क्रममा थप १ हजार २४ जनामा कोरोना देखिएको स्वास्थ्य मन्त्रालयले जनाएको छ । योसँगै नेपालमा कोरोना संक्रमितको संख्या २ लाख ३९ हजार ८ सय ८५ पुगेको छ ।

त्यस्तै कोरोना संक्रमणका कारण थप १० जनाले ज्यान गुमाएका छन् । यो संगै नेपालमा कोरोनाका कारण ज्यान गुमाउनेको संख्या १५ सय ७७ पुगेको छ ।

नेपालका थप २ हजार २ सय ६ जना कोरोनामुक्त भएका छन् । हालसम्म नेपालमा २ लाख २४ हजार ५३ कोरोनामुक्त भएका छन् ।

त्यस्तै हाल १४ हजार २ सय ५५ जना आइशोलेशनमा छन् भने ५ सय ३६ जना क्वारेन्टाइनमा रहेका छन् । हालसम्म १७ लाख ७८ हजार २४ वटा कोरोना परिक्षण गरिएका छन् । ०००