नेकपा बैठक : अध्यक्षद्वयको प्रतिवेदन स्थायी कमिटीमा लगिने

काठमाडौँ । सत्तारुढ नेपाल कम्युनिस्ट पार्टी (नेकपा)को सचिवालय बैठकमा प्रस्तुत अध्यक्षद्वय केपी शर्मा ओली र प्रचण्डको प्रतिवेदन स्थायी कमिटीमा लगिने भएको छ ।

शनिबार बालुवाटारमा बसेको नेकपाको सचिवालय बैठकले उक्त निर्णय गरेको हो । पूर्व निर्धारित समयअनुसार भोलि आइतबार १ बजे स्थायी कमिटी बैठक बोलाउने निर्णय गरेको छ ।

पार्टीको संकट निवारणबारे स्थायी कमिटीमा नै छलफल गर्ने निष्कर्ष निकालिएको बैठकपछि पार्टी प्रवक्ता नारायणकाजी श्रेष्ठले जानकारी दिनुभयो । ०००