सुनको भाउ घट्यो

काठमाडौं । पछिल्लो साता अप्रत्याशित रुपमा बढेर तोला भाउ लाख रुपैयाँ नाघेको सुनको मूल्यमा सामान्य गिरावट आएको छ । यो साताको पहिलो दिन आइतबार तोलामा ९ सय रुपैयाँले घटेको छ ।

नेपाल सुनचाँदी व्यवसायी महासंघका अनुसार आइतबार तोलाको भाउ एक लाख दुई हजार ६ सय रुपैयाँमा झरेको छ । अन्तर्राष्टिय बजारमा आइतबार १८ डलरले भाउ घटेपछि स्थानीय बजारमा पनि केही सस्तो भएको महासङ्घले जनाएको छ ।

शुक्रबार सुनको भाउ अहिलेसम्मकै महँगो तोलाको १ लाख ३ हजार ५ रुपैयाँ पुगेको थियो । यस्तै आइतबार चाँदीको भाउ बढेर तोलामा ५ रुपैयाँ बढेर तोलाको १४ सय १० रुपैयाँ पुगेको छ ।