नम्बरी सुनको दरभाउ स्थिर, कति छ तोलाको ?

काठमाडौँ । स्थानीय बजारमा शुक्रबार सुनचाँदिको दरभाउ स्थिर रहेको छ । लकडाउनकाबीच गत २५ गतेबाट बजार खुलेदेखि नै लगातार बढ्दै आएको सुनको मूल्य शुक्रबार भने स्थिर रहेको छ ।

बिहीबार १ हजार रुपैयाँले बढेको छापावाला सुन शुक्रबार प्रतितोला ८९ हजार ६ सय रुपैयाँमा कारोबार भइरहेको नेपाल सुनचाँदि व्यवसायी महासंघले जनाएको छ ।

तेजावी सुनको मूल्य प्रतितोला ८९ हजार १ सय ६५ रुपैयाँ कायम गरिएको छ । चाँदि प्रतितोला ९ सय ३५ रुपैयाँमा कारोबार भइरहेको छ । बिहीबारको तुलनामा चाँदीको मूल्य १५ रुपैयाँले गिरावट आएको छ ।