बर्दिवास । भोजपुरी संगीत पारखीहरूका लागि नयाँ म्युजिक भिडियो ‘दे दन प्यार गोरी’ सार्वजनिक भएको छ । यस भिडियोमा सागर लम्साल (बले) र शिल्पा पोखरेलको…

नेपालमा २ वर्षीय बालिकाकाे काेराेनाबाट मृत्यु
काठमाडौं । बाजुरामा २ वर्षीया बालिकाको मृत्यु भएसँगै नेपालमा कोरोनाबाट मृत्यु हुनेको संख्या ८ पुगेको छ । बाजुराको जिल्ला अस्पतालमा आइसोलेशनमै रहेका बेला मृत्यु भएकी बालिकाको थ्रोट स्वावको रिपोर्ट पोजेटिभ आएसँगै मृतकको संख्या ८ पुगेको हो । बाजुरा बुढीगंगा–१ की २ वर्षीया बालिकाको आइतबार बिहान मृत्यु भएको थियो ।
उनको स्वाव परीक्षणका लागि सेती प्रादेशिक प्रयोगशालमा पठाइएको थियो । प्रयोगशालाले दिएको रिपोर्टमा उनको कोरोनाका कारण मृत्यु भएको खुलेको सुदूरपश्चिम स्वास्थ्य निर्देशनालयले जनाएको छ । यस्तै, मृतक बालिकाकी २३ वर्षीया आमालाई पनि कोरोना पुष्टि भएको छ । संक्रमित आमालाई सदरमुकाम मार्तडीमा रहेको जिल्ला अस्पतालको आइसोलेशनमा राखिएको छ । उनका बुबाको रिपोर्ट भने नेगेटिभ आएको छ । मृतक बालिका, आमा र बाबुलाई जेठ १५ गते आइसोलेशनमा राखिएको थियो । तीनै जनाको स्वाव धनगढी पठाइएको थियो । उनीहरु ८ दिन अघि भारतबाट आएका थिए ।