ह्वात्तै बढ्यो सुनको मूल्य नेपालमा इतिहासकै उच्च

काठमाडौँ । नेपाली बजारमा सुनको मूल्य अहिलेसम्मकै महँगो भएको छ । सुनको मूल्य आइतबार तोलाको ७५ हजार ५ सय रुपैयाँ पुगेको नेपाल सुनचाँदी व्यवसायी महासङ्घले जनाएको छ ।

आइतबार एकैदिन तोलामा एक हजार रुपैयाँ बढेको हो । तेजाबी सुन प्रतितोला ७५ हजार २ सयमा कारोबार भइरहेको छ । चाँदि प्रतितोला ९ सय रुपैयामा किनबेच भइरहेको महासंघले जनाएको छ ।

शुक्रबार तोलाको ७४ हजार ५ सय रुपैयाँ पुगेको थियो । मंगलबार तोलाको ७३ हजार ५ सय रुपैयाँ रहेको सुनको मूल्य बुधबार र बिहीबार स्थिर थियो ।

अमेरिका र इरानबीच तनाव बढिरहेकाले सुनको मूल्य अझै बढ्ने अनुमान गरिएको छ ।