एमाले समृद्धिको स्वप्नद्रष्टा हो : अध्यक्ष ओली

काठमाडौं। नेकपा (एमाले) का अध्यक्ष तथा पूर्व प्रधानमन्त्री केपी शर्मा ओलीले एक एमालेले अर्को एमालेसँग मन मिलाउनु, हात मिलाउनुमै पार्टी र देशको हित भएको बताउनुभएको छ ।

पार्टीको ११ औं महाधिवेशनको उदघाटनसत्रमा आज सम्बोधन गर्नुहुँदै उहाँले सो कुरा बताउनुभएको हो । मुलुकको लोकतन्त्र, संविधान र अग्रगमन संकटमा रहेकाले त्यसको रक्षाका लागि पनि एमाले एकताको अपरिहार्यता भएको उहाँको भनाइ छ । एमाले फुटेर होइन, जुटेर संघर्ष गर्दा उपलब्धि हात लाग्छ, उहाँले भन्नुभयो ।

संसद विघटन असंवैधानिक रुपले गरिएकाले त्यसलाई बैधानिक ढंगले पुनःस्थापना आवश्यक रहेको बताउँदै उहाँले पुनःस्थपना गरेरै छाड्ने अडान सुनाउनुभयो । मुलुकको समृद्धि लोकतन्त्रको रक्षाविना सम्भव नरहेको बताउँदै उहाँले त्यसकालागि एमाले एकतावद्ध भएर संघर्ष गर्ने बताउनुभयो ।