काठमाडौँ । ‘मिस नेपाल वर्ल्ड २०२४’ को उपाधि आश्माकुमारी केसीले जित्नुभएको छ । आज गोदावरीस्थित सनराइज सम्मेलन केन्द्रमा भएको अन्तिम प्रतिस्पर्धामा २५ प्रतिस्पर्धीलाई पछि पार्दै…
![](https://fairnepal.com/wp-content/uploads/2018/11/Prasad-Khaptari-Magar.jpg)
चर्चित गायक खप्तरीले ल्याए नाचौँ नाचौँ लाग्ने पञ्चेबाजा गीत (भिडियो)
काठमाडौँ । चर्चित लोक तथा दोहोरी गायक प्रसाद खप्तरी मगरको पञ्चेबाजा गीत भाले बास्यो गाउँमा सार्वजनिक भएको छ । सधै मौलिक सोरठी, सालैजो लगायतका गीत गाउने कलाकार खप्तरीले पहिलो पटक पञ्चेबाजाको गीत चरी बास्यो बन पालेमा भाले बास्यो गाउँमा बोलको गीत बजारमा लयाएका हुन् । खप्तरीको लय शब्द रहेको गीतमा सञ्जु थापा मगरले स्वरमा साथ दिएकी छिन् ।
गीतको भिडियोमा गुल्मी, पाल्पा, स्याङ्जा लगायतको क्षेत्रमा प्रचलित विवाह परम्परालाई पनि झल्काउने प्रयास गरिएको छ । म्यूजिक भिडियोमा कलाकार खप्तरी दम्पतीसहित चर्चित लोक तथा दोहोरी गायिका संगीता थापा मगर र प्रकाश भट्टले अभिनय गरेका छन् ।
प्रकाश भट्टले निर्देशन गरेको भिडियोको छायाङ्कन राजेश घिमिरे र सम्पादन विष्णु शर्माले गरेका हुन् । म्यूजिक भिडियोको बजार ब्यवस्थापन भने साइभिजन प्रालिले गरेको छ ।
हेर्नुहोस् पूरा भिडियो
https://youtu.be/bxaYrjamWO4