निषेधाज्ञामा गर्न पाइने र नपाइने कुरा के-के हुन्? उल्लङ्घन गरे कस्तो सजाय हुन्छ?

काठमाडाैं । कोरोनाभाइरस सङ्क्रमण नियन्त्रण तथा रोकथामको प्रयास स्वरूप काठमाण्डू, ललितपुर र भक्तपुर जिल्ला प्रशासन कार्यालयहरूले भोलि (बिहीवार) बिहानबाट एक साताका लागि निषेधाज्ञा कार्यान्वयनमा ल्याउँदैछन्।

सीमावर्ती पर्सा जिल्लाले पनि बिहीवारबाटै एक हप्ते निषेधाज्ञा लागु गर्दैछ भने धेरै सङ्क्रमण देखिएको बाँके जिल्लामा वैशाख १२ गतेदेखि निषेधाज्ञा कार्यान्वयनमा आइसकेको छ।

देशको प्रमुख पर्यटकीय क्षेत्र पोखरा पर्ने कास्की जिल्लामा वैशाख १५ गते बिहान ६ बजेदेखि वैशाख २१ गते राति १२ बजेसम्म जिल्लाभरि निषेधाज्ञा जारी गरिएको छ।

जिल्ला प्रशासनहरूको आदेशमा एकअर्काभन्दा केही बुँदाहरू कमबेस भए पनि चेन ब्रेक अर्थात्‌ सङ्क्रमण फैलावट रोक्नु निषेधात्मक कदमको मुख्य उद्देश्य रहेको उल्लेख गरिएको छ।