बुटवलको नयाँ बसपार्कमा बसको छतमा शव भेटियाे

बुटवल । बुटवलको नयाँ बसपार्कमा बसको छतमा शव फेला परेको छ । गुल्मी चन्द्रकोट ठेगाना भएका करिब ३५ वर्षका दीपक थापाको शव पार्किङ गरिराखेको लु १ ख ६१३७ नंम्बरको बसको छतमा भेटिएको हो ।

 शव पोष्टमार्टमका लागि लुम्बिनी प्रादेशिक अस्पताल बुटवलमा पुर्‍याइएको इलाका प्रहरी कार्यालय बुटवलका प्रमुख प्रहरी नायब उपरीक्षक भीमलाल भट्टराईले जानकारी दिनुभयाे ।

प्रहरीका अनुसार मृतक थापा बसपार्कमा यात्रुहरुलाई बोलाएर बसमा चढाउन सघाउने काम गर्थे ।  घटनाका थप अनुसन्धान भइरहेको प्रहरीले जनाएकाे छ ।