गुल्मीमा पहिरोमा पुरिएर एकै घरका ८ सहित १० जनाको मृत्यु २ बेपता (अपडेट)

गुल्मी । पहिरोमा पुरिएर मुत्यु हुनेको संख्या १० पुगेको छ भने २ जना  बेपत्ता भएका छन् । जिल्लाको सत्यवति गाउँपालिकाकाे  २ छुट्टाछुट्टै स्थानमा पहिरोले घर पुरिदा १० जनाको मृत्यु भएको प्रमुख जिल्ला अधिकारी यदुनाथ पौडेलले जानकारी दिनुभयो ।

सत्यवति गाउँपालिकाको लिम्घामा ८ जनाको र ठुलो लुम्पेकमा २ जनाको मृत्यु भएको हो । सत्यवति गाउँपालिका वडा नम्बर ४ को लिम्घामा एकै घरका ८ जनाको मृत्यु भएको छ । मृतक मध्ये ६ जनाको शव बाहिर निकालिएको छ । अरु २ जनाको निकाल्ने क्रम भइरहेको प्रहरीले जनाएको छ ।

मृत्यु हुनेहरुमा ६५ वर्षिय छल्ली बिक, २८ वर्षिय पम्फा बिक १२ वर्षिय अंजली बिक, १० वर्षिय हेमन्त बिक, रुपा बिक, १० बर्षकी सिवानी बिक, निर्मला बिक, हिमान्सु बिक रहेका छन् । एक जना सन्दिप वालक मावली घरमा गएकाले जिबितै रहेका छन् ।

त्यस्तै सोही गाउँपालिका ३ को ठूलोलुम्पेक कसिन डाँडा पहिरोमा पुरिएर ३० वर्षीय तिलकुमारी त्रामु, १० वर्षीय दर्शन त्रामुकाे मृत्यु भएको हो । उनीहरु आमा छोरा हुन् । सोही वडामा रुद्र बिकको घर पहिरोले बगाएको छ । पहिरोले घर बगाउँदा ४० वर्षीय मायाँ बिक र १६ वर्षीय गबि बिक बेपत्ता भएका छन् ।

पहिरोमा पुरिएर २ जना घाइते भएका छन् । सत्यवति ४ का १० वर्षीय करिश्मा त्रामु र १३ वर्षीय धनी त्रामुको घाइते भएको प्रहरीले जनाएको छ । गएरातिदेखि परेको अबिल वर्षाका कारण पहिरो जाँदा घरमा सुति रहेका उनीहरुको मृत्यु भएको हो ।

उद्धारको लागि जिल्लाबाट तीनवटै सुरक्षा निकायका कमाण्डसहितको टोली घटना स्थलल पुगेर उद्धार कार्य सुरु गरेको प्रमुख जिल्ला अधिकारी पौडेलले बताउनु भयो । थप राहत र उद्धारको लागि जिल्ला बिपद व्यवस्थापन समिति तयारी अबस्थामा राखिएको प्रमुख जिल्ला अधिकारी पौडेले बताउनु भयो ।

ठूलो पहिरो भएकाले मृत्यु हुनेहरुको संख्या बृद्धि हुनसक्ने बताइएको छ । पहिरोले लिम्घामा ४ घर जोखिममा रहेका छन् । उनीहरुलाई स्थानीय विद्यालयमा राखिएको छ ।

Leave a Reply

Your email address will not be published. Required fields are marked *