वीपी स्वास्थ्य प्रतिष्ठानका उपकुलपति रौनियार घुससहित रंगेहात पक्राउ

सुनसरी। बीपी कोइरला स्वास्थ्य विज्ञान प्रतिष्ठानका उपकुलपति प्रा.डा. राजकुमार रौनियारसहित दुईजना घूससहित रंगेहात पक्राउ परेका छन् । अख्तियार दुरुपयोग अनुसन्धान आयोगको टोलीले उनीहरुलाई विशेष सूचनाको आधारमा ८ लाख घूससहित पक्राउ गरेको हो ।

प्रतिष्ठानको भवन निर्माणको ठेक्काको कमिसन बापत घूस बुझ्ने क्रममा उनीहरुलाई उपकुलपतिको निवास धरानबाट रंगेहात पक्राउ गरिएको आयोगका प्रवक्ता प्रदीपकुमार कोइरालाले जानकारी दिनुभयाे ।

डा. रामहरी धरानमै एमबीबीएस सकेर एमडी अध्ययनरत रेसिडेन्ट डाक्टर रहेको बताइएको छ। अख्तियार स्रोतका अनुसार  उनी रौनियारका नातेदार समेत रहेको बताइएकाे छ ।

धरानमा प्रतिष्ठानका लागि करिब एक करोड रुपैयाँको लागतमा भवन निर्माण हुँदै छ।