कुुखुराको अण्डाको मूल्य बढ्यो

काठमाडौँ । कुखुराको अण्डाको मूल्य बढेको छ । प्रतिक्रेट रु २०० मा बिक्री हुँदै आएको ठूलो अण्डाको मूल्य बढेर २८० रूपैँया पुगेको छ । सानो अण्डाको मूल्य रु ११५ बाट बढेर रु २३० पुगेको छ ।

मूल्यबृद्धि भए पनि लागत मूल्य भने कृषकले अझै पाउन नसकेको उनीहरुको गुनासो छ । कृषकको लागत मूल्य प्रतिगोटा रु १० पर्दछ । बढेको बिक्रीमूल्य समग्रमा प्रतिगोटा आठ रुपैयाँ ५० पैसा पर्न अाउँछ  । हाल दैनिक करिब ४० लाख अण्डा उत्पादन हुने गरेको नेपाल अण्डा उत्पादक सङ्घका केन्द्रीय अध्यक्ष त्रिलोचन कँडेलले जानकारी दिनुभयो ।

तीन वर्षअघि अण्डाको मूल्य बढेर प्रतिक्रेट रु ३६० पुगेको थियो । गत एक वर्षयता भने खर्च नधान्ने गरी मूल्यमा गिरावट आएको कृषकको भनाइ छ।