विश्वकप क्रिकेट: अपराजित भारत पनि हारेपछि अब कसको स्थिति कस्तो ?

तर न्यूजील्यान्ड विजयी भयो भने त्यसले पाकिस्तान बाङ्ग्लादेशको सम्भावना बलियो हुनेछ। हुन त भारत र न्यूजील्यान्डको पनि सेमिफाइनल स्थान सुनिश्चित भइसकेको त छैन, तर निकै राम्रो नेट रन रेट रहेका कारण उनीहरूको यात्रा तुलनात्मक सहज नै देखिन्छ।

आगामी केही खेल अब निर्णायक हुने देखिन्छन्। जुलाई २ मा बाङ्ग्लादेश भारतसँग खेल्दैछ। जुलाई ५ मा पाकिस्तान र बाङ्ग्लादेशबीच खेल हुँदैछ। न्यूजील्यान्ड र इङ्ग्ल्यान्डबीचको खेल जुलाई ३ मा हुँदैछ।

को कसरी सेमिफाइनल पुग्न सक्छ?

अस्ट्रेलिया सेमिफाइनल पुगिसकेको छ। श्रीलङ्का, दक्षिण अफ्रिका, वेस्ट इन्डिज र अफगानिस्तान अब अन्तिम चारमा पर्न सक्दैनन्। पाकिस्तानले सेमिफाइलनमा पुग्नका लागि बाङ्ग्लादेशलाई हराउनुपर्छ साथसाथै न्यूजील्यान्डले इङ्ग्ल्यान्डलाई हराउनुपर्छ।

बाङ्ग्लादेशले सेमिफाइलनमा पुग्नका लागि भारत र पाकिस्तान दुबैलाई हराउनुका साथै न्यूजील्यान्डले इङ्ग्ल्यान्डलाई हराउनुपर्छ। इङ्ग्ल्यान्डले न्यूजील्यान्डलाई हराएमा र बाङ्ग्लादेशले पाकिस्तानलाई हराएमा सेमिफाइनलमा अहिलेकै शीर्ष चार टोली सेमिफाइलनमा पुग्नेछन्।

इङ्ग्ल्यान्डले न्यूजील्यान्डसँग हारेपनि भारतले बाङ्ग्लादेश र बाङ्ग्लादेशले पाकिस्तानलाई हराए सेमिफाइनलमा पुग्नेछ।