काठमाडौँ । बुद्धजयन्तीको अवसर पारेर बिहीबारदेखि प्रदर्शन सुरु गरिएका दुई नयाँ चलचित्र ‘फर्की फर्की’ र ‘पुजार सार्की’ लाई दर्शकले साथ दिएका छन् । प्रदर्शनको पहिलो…
![](https://fairnepal.com/wp-content/uploads/2018/08/gokarna-bist.jpg)
विदेशीने बाध्यताकाे अन्त्य गर्न रोजगार कार्यक्रम: मन्त्री बिष्ट
काठमाडौं । श्रम रोजगार तथा सामाजिक सुरक्षा मन्त्री गोकर्ण बिष्टले प्रधानमन्त्री रोजगार कार्यक्रम विधिसम्मत सञ्चालन भएको बताउनु भएकाे छ ।
प्रतिनिधि सभाको सोमबारको बैठकमा श्रम रोजगार तथा सामाजिक सुरक्षा मन्त्रालयको बजेटमा सांसदले उठाएका प्रश्नको जवाफ दिँदै बिष्टले रोजगार कार्यक्रममा कुनै अनियमितता नभएको दाबी गर्नुभयाे ।
श्रम ऐनमा टेकेर स्थानीय तहले पारदर्शी रुपमा रोजगार कार्यक्रमको रकम खर्च गरेको मन्त्री बिष्टको भनाइ छ । वैदेशिक रोजगारीमा जाने बाध्यताको अन्त्य गर्नका लागि प्रधानमन्त्री रोजगार कार्यक्रम अघि सारिएको उहाँले बताउनुभयाे ।
यसअघि संसद बैठकमा नेपाली कांग्रेसका सांसदहरुले प्रधानमन्त्री रोजगारी कार्यक्रमले सत्तारुढ नेकपाका कार्यकर्ता पाल्ने काम गरेको आरोप लगाएका थिए ।