भाेलि सार्वजनिक बिदा

बनेपा । काभ्रेका दुई स्थानीय सरकारले आइतवार सार्वजनिक बिदा दिने निर्णय गरेका छन् । स्थानीय पर्वका लागि प्रदेश नं. तीन अन्तरगत काभ्रपलाञ्चोक जिल्लाको बनेपा नगरपालिका र पाँचखाल नगरपालिकाले सार्वजनिक बिदा दिएका हुन् ।

बनेपा नगरपालिकाले चण्डेश्वरी जात्रा तथा पाँचखाल नगरपालिकाले पलाञ्चोक भगवती जात्राका लागि आइतबार सार्वजनिक बिदा दिएका हुन् ।  शुक्रबार शुरु भएको चण्डेश्वरी जात्रा तीन दिनसम्म मनाइन्छ ।

पाँचखालले पनि देवी पलाञ्चोक भगवती जात्राका लागि आइतबार सार्वजनिक बिदा दिएको हो । जात्राका लागि नगरवासीलगायत मुलुकका विभिन्न क्षेत्रका समुदायको उपस्थिति रहने भएकाले आइतबार सार्वजनिक बिदा दिएको प्रमुख प्रशासकीय अधिकृत लोकबहादुर भण्डारीले बताउनुभयो ।

संघीय सरकारले सार्वजनिक बिदाका कारण सरकारी कामकाज प्रभाबित भएको भन्दै बिभिन्न पर्व, दिवस तथा अबसरहरुमा दिँदै आएको बिदा कटौती गरेको थियो । तर प्रदेश तथा स्थानीय सरकारहरुले भने आफूखुसी स्थानीय पर्व बिदाका नाममा सार्वजनिक बिदा दिँदै आएका छन् ।