कांग्रेसका ५६ जिल्ला सभापतिले दिए विशेष महाधिवेशन बोलाउने चेतावनी

काठमाडौँ  । नेपाली कांग्रेसका ५६ जिल्ला सभापतिहरुले स्वतः प्रतिनिधिको प्रावधान संशोधन नगरे विशेष केन्द्रीय महाधिवेशन बोलाउन हस्ताक्षर गर्ने चेतावनी दिएका छन् । मंगलबार विज्ञप्ति जारी गर्दै महासमिति भन्दा ठूलो केन्द्रीय कार्य समिति हुन नसक्ने भन्दै निर्णय पर्नुविचार गर्न आग्रह गरेका हुन् । उनीहरुले समानुपातिक तथा समावेशी कोटा दोर्‍याउन नपाउने व्यवस्था समेत विधानमा राख्नुपर्ने माग दोर्‍याएका छन् ।

गएको पुष २९ गते देखि माघ ९ गतेसम्म काठमाडौंमा सम्पन्न महासमिति बैठकमा पार्टी सभापति शेरबहादुर देउवा र बरिष्ठ नेता रामचन्द्र पौडेलले अधिकांश महासमिति सदस्यहरुको प्रस्ताव अनुसार विधानमा उल्लेखित स्वतः प्रतिनिधि सम्बन्धि प्रावधान हटाउन र समानुपातिक तथा आरक्षण कोटाबाट एकै व्यक्तिलाई दोहोर्याएर अवसरनदिने सम्बन्धि व्यवस्था बैठकबाट पास गरेको थियो ।

महासमितिले पास गरिसकेको उक्त विषयलाई केन्द्रीय कार्यसमितिको पछिल्लो बैठकले उल्टाएको भन्दै उनीहरुले आपत्ति जनाएका हुन् । विज्ञप्तिमा भनिएको छ, ‘पार्टी संगठन र पार्टी नेतृत्वको विश्वसनीयतालाई गम्भीर क्षति पु¥याउने निर्णय माथि पुनर्विचार नगरिए विशेष महाधिवेशनका लागि पहल गर्न बाध्य हुनेछ ’

केन्द्रमा संस्थापन पक्ष स्वतः महाधिवेशन र क्षेत्रीय प्रतिनिधिको पक्षमा भएपनि जिल्ला सभापतिहरु विरोधमा छन् । यो मुद्दामा संस्थापन र संस्थापन इतरपक्षीय अधिकांश जिल्ला सभापतिहरु एकैठाउँमा छन् । कांग्रेसको रुकुम पश्चिम, नवलपरासी पूर्व र स्याङजा जिल्लामा पार्टी नेतृत्व छैन । नयाँ दुई जिल्लामा काम चलाउ र स्याङ्जामा कार्यबाहक सभापति छन् । देउवा निकट रहेका १९ जिल्ला सभापतिहरुले मात्रै विमति राखेका छन् ।

निर्णय सच्याउन माग गर्ने जिल्ला सभापतिहरुको सूची:

प्रदेश-१

१) लिला देवी बोखिम- ताप्लेजुङ

२) नरेन्द्र कुमार केरुङ्ग- पाँचथर

३) हिमालय कर्माचार्य- ईलाम

४) उद्धव थापा- झापा

५) गोविन्द ढुंगाना- तेह्रथुम

६) नन्दमणि राई- भोजपुर

७) नरेश कुमार श्रेष्ठ- खोटाङ

८) बिनोद बस्नेत- सोलुखुम्बु

९) राजिब कोइराला- सुनसरी

१०) डिग बहादुर लिम्बु- मोरङ

११) बिदुर बस्नेत- गाईघाट

१२) दिपेन कुमार श्रेष्ठ – संखुवासभा

प्रदेश-२ 

१) कृष्ण देव यादव- रौतहट

२) अजय दुवेदी- पर्सा

प्रदेश-३ 

१) उज्जल बराल- सिन्धुली

२) मधु आचार्य- काभ्रे

३) लवश्री न्यौपाने- रामेछाप

४) बिकाश लामा-सिन्धुपाल्चोक

५) जगदीश नरसिंह केसी- नुवाकोट

६) दुर्लभ थापा- भक्तपुर

७) सबुज बानिया- काठमाडौँ

८) पेम्बा क्षिरिङ्ग लामा- रसुवा

९) रमेश धमला- धादिङ

१०) जित नारायण श्रेष्ठ- चितवन

गण्डकी प्रदेश

१) बैकुण्ठ न्यौपाने-तनहुँ

२) कृष्ण केसी-कास्की

३) खम्ब गर्बुजा-म्याग्दी

४) यङ्गजीङ्ग बिष्ट-मुस्ताङ

५) कुमार राणा-स्याङ्जा

६) बिष्णु प्रसाद लामिछाने-नवलपुर

७) भेषबहादुर पौडेल-लमजुङ

८) हरिबहादुर घले-गोरखा

प्रदेश-५ 

१) अर्जुन पोखरेल-परासी

२) बिर बहादुर राणा-पाल्पा

३) भुवन श्रेष्ठ-गुल्मी

४) बिष्णुप्रसाद खनाल मुश्कान -अर्घाखाँची

५) सुरेन्द्रप्रसाद आचार्य-कपिलबस्तु

६) अम्मर प्रसाद भण्डारी- प्युठान

७) अमर सिंह पून-रोल्पा

८) केशरमान रोका-पूर्व रुकुम

९) किरण कोइराला-बाँके

१०) सञ्जय गौतम- बर्दिया

कर्णाली प्रदेश

१) खड्ग बहादुर शाही- मुगु

२) दिप बहादुर शाही-जुम्ला

३) हर्ष बहादुर बम-कालिकोट

४) कृष्ण कुमार बिसी- दैलेख

५) कमल राज रेग्मी-सुर्खेत

६) प्रेम प्रकाश ओली-पश्चिम रुकुम

७) गणेश बहादुर चन्द-सल्यान

८) दिपक जंग शाही- जाजरकोट

९) जयपति रोकाया-हुम्ला

१०) अंगत बुढा-डोल्पा

सुदूरपश्चिम प्रदेश

१) कर्ण बहादुर मल्ल-डडेल्धुरा

२) ललित सिंह बोहरा-दार्चुला

३) नरेन्द्र सिंह थापा-बैतडी

४) हर्कजंग बहादुर सिंह-बझाङ