गलकोट (बागलुङ) । गीतसङ्गीत क्षेत्रमा हालैमात्र एकाएक चर्चामा आएको नाम हो सिम्रन परियार । १८ वर्षीया गायिका परियारले एक हप्तामै १४ गीत मात्रै रेकर्ड गराइनन्,…

रेखा थापाको ‘हल्का माया के माया’ गीत रिलिज (भिडियो)
नायिका रेखा थापाद्वारा अभिनीत, निर्मित तथा निर्देशित फिल्म ‘मालिका’ को पहिलो गीत सार्वजनिक भएको छ । मंगलबार काठमाडौँमा एक कार्यक्रमका बीच लोकलयको ‘हल्का माया के माया’ बोलको गीत रिलिज गरिएको हो ।
गीतको छायांकन कर्णालीको जाजरकोट दरबार परिसरमा गरिएको छ । गीतमा देश जोड्ने कुरा गरिएको निर्माण पक्षले बताएको छ । नर कार्कीको शब्द रहेको गीतमा सुरेश अधिकारीले संगीत भरेका छन् भने स्वर अन्जु पन्तको रहेको छ ।
रामजी लामिछानेको कोरियोग्राफी रहेको गीतमा अभिनेत्री रेखा थापालाई फिचर्ड गरिएको छ । ‘मालिका’ मा रेखा थापा र जाजरकोटकी १४ वर्षीया कमला वलीको मुख्य भूमिका रहेको छ । रामशरण उप्रेतीको छायांकन रहेको यो फिल्म लक्ष्मीपूजाका दिन रिलिज हुँदैछ ।