यसकारण फुट्याे डेढ वर्ष नपुग्दै विवेकशील साझा पार्टी

काठमाडौं । अन्ततः  विवेकशील साझा पार्टी फुटेको छ । रबिन्द्र मिश्रसँगकाे मतभेदपछि संयोजक मध्येका एक उज्वल थापाले नयाँ दल दर्ताका लागि निर्वाचन आयोगमा गएर शुक्रबार  निवेदन दर्ता गर्नुभएकाे हाे । पार्टीको नाम ‘विवेकशील नेपाली दल’ प्रस्ताव गरिएको छ ।

३७ सदस्यीय केन्द्रीय समितिका १६ जना निर्वाचन आयोगमा पुगेका थिए । युवानेत्री रञ्जु दर्शनासहित प्रदेश ३ का दुई सांसद विराज भट्ट श्रेष्ठ र रमेश पौडेल लगाएतका नेताहरू दल दर्ताका लागि निर्वाचन आयोग गएका हुन् ।

थापाले हालै मात्र पार्टी गलत बाटोमा हिँडिरहेको निष्कर्षसहित समीक्षा प्रतिवेदन सार्वजनिक गर्नुभएकाे थियाे ।    विवेकशील र साझा पार्टीबीच ११ साउन २०७४ मा मात्र पार्टी एकता भएको थियो ।