विद्यालय भवन भ्रष्टाचार प्रकरण : ११ जनाविरुद्ध मुद्दा

काठमाडौँ। अख्तियार दुरुपयोग अनुसन्धान आयोगले खोटाङको श्री लक्ष्मी माध्यमिक विद्यालय भवन निर्माणमा भ्रष्टाचार गरेको आरोपमा ११ जनालाई विशेष अदालत काठमाडौँमा मुद्दा चलाएको छ।

आर्थिक वर्ष २०७१-०७२ मा विद्यालयको चार कोठे आरसीसी भवन बनाउन जिल्ला शिक्षा कार्यालय खोटाङ र विद्यालयबीच ३० लाख रुपैयाँमा सम्झौता भएको थियो। तर, सम्झौताअनुसार काम नभएको र बाँकी रकम हिनामिना गरिएको अख्तियारको अनुसन्धानमा देखिएको छ। स्थलगत नापजाँच गर्दा २ लाख ७२ हजार रुपैयाँ बराबरको मात्र काम भएको पाइएको छ। झुट्टा बिल र प्रतिवेदन बनाएर बाँकी रकम भुक्तानी गरिएको हो।

यो भ्रष्टाचारमा तत्कालीन जिल्ला शिक्षा अधिकारी, लेखा अधिकृत, लेखापाल, सब-इन्जिनियर, विद्यालय व्यवस्थापन समितिका अध्यक्ष र प्रधानाध्यापकसहित ११ जनाको संलग्नता रहेको अख्तियारले जनाएको छ।

आयोगले उनीहरूमाथि करिब एक करोड रुपैयाँभन्दा बढी बिगो कायम गरी कैद, जरिवाना र बिगो असूलको सजाय माग गरेको छ।

अख्तियारले मुद्दा चलाएका व्यक्तिहरूमा तत्कालीन जिल्ला शिक्षा अधिकारी डा. गणेशप्रसाद भट्टराई, अधिकारीहरू केशवप्रसाद दाहाल र ज्ञानमणि नेपाल, लेखा अधिकृत भुवनप्रसाद आचार्य, लेखापाल सुरेशकुमार श्रेष्ठ, सब-इन्जिनियर शिवराज राई, विद्यालय व्यवस्थापन समितिका तत्कालीन अध्यक्ष पृथ्वी दाहाल र शेषकुमार पौड्याल, प्रधानाध्यापकद्वय राजेन्द्रप्रसाद दाहाल र ऋषिराम पोखरेल, प्रधानाध्यापक नयनकुमार राई, लेखापाल सीता कार्की र भवन निर्माणको जिम्मा लिएका अर्जुन तामाङ रहेका छन्।

गैरकानुनी लाभ लिन आपसी मिलेमतो गरेको देखिएकाले उनीहरूमाथि कडा सजाय माग गरिएको आयोगका प्रवक्ता राजेन्द्रकुमार पौडेलले बताउनुभयो।