धनगढीकाे सिपी हस्पिटलमा एनआईसी एशिया बैंकका ग्राहकलाई २० प्रतिशतसम्म छुट

धनगढी, कैलाली । एनआईसी एशिया बैंकका ग्राहकले अब धनगढीस्थित सिपी हस्पिटलमा स्वास्थ्य उपचार गर्दा २० प्रतिशतसम्म छुट पाउने भएका छन्।

सिपी हस्पिटल प्रा.लि. र बैंकबीच भएको सम्झौताअनुसार बैंकका ग्राहकले अस्पतालले उपलब्ध गराउने विभिन्न सेवामा छुट सुविधा पाउनेछन्। यसमा ओपीडी, प्याथोलोजी, एक्स–रे, यूएसजी, एन्डोस्कोपी, कोलोनोंस्कोपी, बेड सुविधा (नर्मल बेड, एचडीयू/आईसीयू, ए/सी केबिन), सर्जरी, औषधि, सीटी–स्क्यान लगायतका सेवा समावेश छन्।

ग्राहकले छुट सुविधा पाउन बैंकको डेबिट कार्ड, क्रेडिट कार्ड, प्रिपेड कार्ड वा मोबैंक (MoBank) एपमार्फत भुक्तानी गर्नुपर्नेछ।

बैंकले यस सहकार्यले आफ्ना ग्राहकलाई स्वास्थ्य उपचारमा सहजता दिनुका साथै डिजिटल भुक्तानी सेवा प्रवर्द्धन र नगदरहित कारोबारलाई प्रोत्साहन गर्ने विश्वास व्यक्त गरेको छ।