महाभियोग पारित भएसँगै दक्षिण कोरियाका राष्ट्रपति निलम्बित, अब के हुन्छ

दक्षिण कोरियाली राष्ट्रपति यूनविरुद्ध दोस्रो पटक दर्ता भएको महाभियोगमा मतदान चलिरहँदा कोरियाको संसद् बाहिर सयौँ प्रदर्शनकारीहरू भेला भएका थिए।

आफ्नो सत्ता टिकाउन प्रयास गरिरहेका राष्ट्रपति यूनको समर्थनमा पनि राजधानी सोलको एउटा क्षेत्रमा प्रदर्शन भएको थियो।

सैनिक शासन लगाउने निर्णयपछि राष्ट्रपति यूनलाई पदबाट हटाउनुपर्ने माग बढेको थियो। विपक्षी दलबाट महाभियोगको प्रक्रियासँगै उनको राजीनामा माग गर्दै प्रदर्शनहरू पनि भएका थिए। उनले घोषणा गरेको ‘मार्शल ल’ अर्थात् सैनिक शासन संसद्‌ले मतदानबाट अस्वीकृत गरेपछि छ घण्टामै फिर्ता भएको थियो।

यसअघि यूनविरूद्ध दर्ता भएको महाभियोगको पक्षमा न्याश्नल असेम्ब्लीमा भएको मतदानमा दुई तिहाइ बहुमत पुगेको थिएन।