एनपिएलमा चितवनकाे विजयी शुरूआत

काठमाडौं । नेपाल प्रिमियर लिग (एनपीएल)मा चितवन राइनोजले विजयी सुरुआत गरेको छ। कीर्तिपुरस्थित त्रिवि क्रिकेट मैदानमा साेमबार भएकाे पहिलाे खेलमा जनकपुरले काठमाडाै गुर्खाजलाई पाँच विकेटले पराजित गरेकाे हाे।

काठमाडौंले दिएको ११२ रनको लक्ष्य चितवनले १७.१ ओभरमा ११४ रन बनाएर जीत हात पारेकाे हाे ।

चितवनको लाति ब्याटिङतर्फ सन्तोष कर्कीले सर्वाधिक २८ रन बनाए। लुक बेन्केनस्टेइनले २२ रन जाेडे उनले १७ बलमा दुई चौका र एक छक्का प्रहार गरे। कप्तान कुशल मल्ल र रबी बोपाराले समान ११ रन बनाए।

ओपनर हसन इशाखिल १२ रन बनाउँदा शरद भेषवाकर ११ रनमा अविजित रहे।

यता, बलिङतर्फ काठमाडौंका लागि साहव आलमले तीन तथा डान डाउथवेट र जेरार्ड इरास्मसले समान एक एक विकेट लिए।

त्यसअघि त्रिवि क्रिकेट मैदानमा टस हरेर पहिले ब्याटिङ गरेको काठमाडौं २० ओभरमा ९ विकेट गुमाएर १११ रन बनाएको थियो।

काठमाडौंका लागि सुमित महर्जनले सर्वाधिक २९ रन बनाए। उनले ४१ बलमा एक चौका प्रहार गरे। माइकल लेभिट २५ रनमा आउट भए भने डान डाउथवेटले १९ रनमा अविजित रहे। शंकर रानाले १६ रन बनाए। कप्तान करन केसी, भिम सार्की र साहव सालम एक रनमा आउट भए।

खराब सुरुआत गरेको काठमाडौंले पहिलो विकेटको रुपमा स्टेफन स्किनाजीलाई दुई रनमा गुमाएको थियो। उनि दोस्रो ओभरको पहिलो बलमा सोहेल तन्वीरबाट आउट भए।

चितवनाका लागि बलिङतर्फ सोहेल तन्वीरले चार ओरभमा २१ रन खर्चिएर पाँच विकेट लिए। कप्तान कुशल मल्ल, अमरसिंह राउटेला, लुक बेन्केनस्टेइन र रिजन ढकालले समान एक एक विकेट हात परे।