दिल्ली क्यापिटल्सविरूद्ध राजस्थान रोयल्सको राेमाञ्चक जीत

टस जितेर पहिले ब्याटिङ गरेको राजस्थानले २० ओभरमा पाँच विकेट गुमाएर १८५ रन बनाएको थियो । जवाफमा दिल्लीको टोलीले पाँच विकेट गुमाएर १७३ रन मात्रै बनाउन सक्यो । यो सिजन दिल्लीको लगातार दोस्रो हार हो । राजस्थानको लगातार दोस्रो जित ।

इन्डियन प्रिमियर लिग (आईपीएल) को नवौं खेलमा राजस्थान रोयल्स (आरआर)ले दिल्ली क्यापिटल्स (डीसी)लाई १२ रनले पराजित गरेको छ । यो सिजन राजस्थानको लगातार दोस्रो जित हो। यसअघि पञ्जाब किंग्सले दिल्लीलाई चार विकेटले पराजित गरेको थियो ।

युवा ब्याट्सम्यान रियान परागको उत्कृष्ट ब्याटिङपछि आवेश खान, सन्दीप शर्मा र युजवेन्द्र चहलको उत्कृष्ट बलिङको मद्दतमा राजस्थानले राेमाञ्चक जीत हात पारेकाे हाे  ।

टस जितेर पहिले ब्याटिङ गरेको राजस्थानले २० ओभरमा पाँच विकेट गुमाएर १८५ रन बनाएको थियो । जवाफमा दिल्लीको टोलीले पाँच विकेट गुमाएर १७३ रन मात्रै बनाउन सक्यो । दिल्लीका लागि ओपनर डेभिड वार्नरले उत्कृष्ट पारी खेले । वार्नरले ३४ बलमा ४९ रन बनाए । यस क्रममा उनले तीन छक्का र पाँच चौका प्रहार गरे । उनी बाहेक ट्रिस्टन स्टब्सले २३ बलमा दुई चौका र तीन छक्का प्रहार गर्दै अविजित ४४ रन बनाए ।

यी दुई बाहेक मिचेल मार्सले १२ बलमा २३ रन र अक्षर पटेलले १५ बलमा अविजित १५ रनको योगदान दिए । राजस्थान रोयल्सका युजभेन्द्र चहल र नान्द्रे बर्गरले समान २–२ विकेट लिए । उनीहरु बाहेक आवेश खान र सन्दीप शर्माले उत्कृष्ट बलिङ गरे । आवेशले एक विकेट लिए ।

यसअघि राजस्थानका लागि रियान परागले आफ्नो आईपीएल करियरको उत्कृष्ट इनिङ्स खेल्दै टोलीलाई राम्रो स्कोरमा पुर्याएका थिए । परागले ४५ बलमा ७ चौका र ६ छक्का प्रहार गर्दै अविजित ८४ रन बनाए । जबकि हेटमायरले सात बलमा १४ रनको योगदान दिए । यी दुई बाहेक रविचन्द्रन आश्विनले १९ बलमा २९ रन, ध्रुव जुरेलले १२ बलमा २० रन, कप्तान सञ्जु सैमसनले १४ बलमा १५ रन, ओपनर जोस बटलरले १६ बलमा ११ र यशस्वी जैसवालले ११ रन बनाउन सके । सात बलमा पाँच रन मात्र। दिल्लीका लागि अक्षर पटेल, कुलदीप यादव, मुकेश कुमार, एनरिच नोर्टजे र खलिल अहमदले एक–एक विकेट लिए ।

राजस्थानले लगातार दोस्रो जितसँगै आफ्नो नेट रन रेटमा सुधार गरेको छ । टोली चार अंक र ०.८०० को नेट रनरेटका साथ अंक तालिकाको दोस्रो स्थानमा छ। जबकि दिल्ली क्यापिटल्स आठौं स्थानमा छ । दिल्ली र मुम्बई दुई टोली हुन् जसले यस प्रतियोगितामा अहिलेसम्म कुनै जित हात पार्न सकेका छैनन्।