सम्बन्ध कसरी प्रगाढ बनाउने, ख्याल गर्नुस् यी पाँच कुराहरू

धेरै पटक सम्बन्धमा स-साना भ्रम वा गलत बुझाइ पनि सम्बन्ध टुट्नुको कारण बन्न पुग्छ । यस्तो अवस्थामा यी समस्यालाई समयमै समाधान गर्नु जरुरी हुन्छ, अन्यथा सम्बन्ध बिग्रन सक्छ ।   

कुनै पनि सम्बन्ध तब बलियो हुन्छ जब दुवै पार्टनरले समान प्रयास गरिरहेका हुन्छन्। धेरै पटक सम्बन्धमा गलत बुझाइ वा भ्रम यति बढ्छ कि सम्बन्ध टुट्ने कगारमा पुग्छ। यस्तो अवस्थामा यी गलतफहमीलाई बुझेर सम्बन्धमा काम गर्न जरुरी छ । तर कतिपय अवस्थामा मानिसहरूले गलत धारणालाई सत्यको रूपमा स्वीकार गर्छन्। उनीहरुले बिना कुनै कुराकानी नै सम्बन्ध टुटाउँछन् । यस्तो अवस्थामा उनीहरु सम्बन्धमा भइरहेको समस्या गलतफहमी हो कि सत्य हो बुझ्न सक्दैनन् । यदि तपाइँ पनि यस्तै समस्याको सामना गर्दै हुनुहुन्छ भने, तपाइँ यस लेखमा दिइएको संकेतबाट फरक थाहा पाउन सक्नुहुन्छ।

अरूसँग तुलना

यदि तपाइँ आफ्नो पार्टनरलाई अरू कसैसँग तुलना गर्न थाल्नुभयो भने, यसले पनि गलतफहमी बढाउन सक्छ। जसका कारण तपाईलाई आफ्नो पार्टनरमा कमजोरी देखिन थाल्छ । यसले सम्बन्धमा निरन्तर गलतफहमी निम्त्याउन सक्छ, जसलाई समयमै समाधान गर्न आवश्यक छ।

 भन्दै नभनी मनकाे कुरा बुझ्ने आशा  

धेरै मानिसहरु आफ्नो पार्टनरले नबोली नै उनीहरुलाई बुझ्ने अपेक्षा गर्छन् । तर जबसम्म तपाईले आफ्ना समस्याहरू उनीहरूसँग साझा गर्नुहुन्न, उनीहरूले तपाईंको विचार बुझ्न सक्दैनन्, कहाँ सबै कुरा फिल्ममा जस्ताे खाेजेर हुन्छ र। तसर्थ, आफ्नो पार्टनरको बारेमा कुनै पनि अनुमान गर्नुको सट्टा, तपाईंले तिनीहरूसँग खुलेर कुरा गर्नुपर्छ।

पुराना कुराहरूमा बारम्बार झगडा

यदि तपाई दुबै पुरानो कुरामा सधैं झगडा गर्नुहुन्छ भने, यो पनि बढ्दो गलतफहमीको संकेत हो। यसो हुनुको कारण मामिलालाई सुल्झाउन नसक्नु  खास कारणा हुन सक्छ ।

एकअर्काको चाहनालाई बेवास्ता गर्नु

यदि तपाईले केही समयको लागि एकअर्काको इच्छालाई बेवास्ता गर्न थाल्नुभयो भने, यो पनि गलतफहमी बढ्ने संकेत हो। जसका कारण सम्बन्धमा दुरी धेरै बढ्न सक्छ । त्यसैले यसलाई जतिसक्दो चाँडो समाधान गर्नुपर्छ।

सम्बन्धमा गलतफहमी कसरी समाधान गर्ने

सबैभन्दा पहिले एक अर्कासँग खुलेर कुरा गर्न आवश्यक छ। किनभने जबसम्म तपाईं दुवैले आफ्नो समस्या समाधान गर्नुहुन्न, समस्या बढ्दै जानेछ।

यस्तो अवस्थामा तपाईलाई राम्रोसँग बुझ्ने नजिकको व्यक्तिबाट पनि मद्दत लिन सक्नुहुन्छ। यसले तपाईंलाई सम्बन्ध समस्याहरू समाधान गर्न मद्दत गर्नेछ।

सम्बन्ध विशेषज्ञको मद्दत लिनुहोस्। साथै एकअर्काको लागि समय निकाल्नुहोस्।