काठमाडौँ । ‘मिस नेपाल वर्ल्ड २०२४’ को उपाधि आश्माकुमारी केसीले जित्नुभएको छ । आज गोदावरीस्थित सनराइज सम्मेलन केन्द्रमा भएको अन्तिम प्रतिस्पर्धामा २५ प्रतिस्पर्धीलाई पछि पार्दै…
![](https://fairnepal.com/wp-content/uploads/2023/04/ipl1680891593.jpg)
इन्डियन प्रिमियर लिग : लखनउको दोस्रो जित
काठमाडौं । इन्डियन प्रिमियर लिग (आईपीएल)मा लखनउ सुपर जायन्ट्सले दोस्रो जित निकालेको छ । लखनउले शुक्रबार सम्पन्न खेलमा सनराइजर्स हैदराबादविरुद्ध पाँच विकेटको जित निकाल्यो ।
घरेलु मैदान अटल बिहारी वाजपेयी एकाना रंगशालामा सम्पन्न खेलमा हैदराबादले प्रस्तुत गरेको १२२ रनको लक्ष्य लखनउले १६ ओभरमा पाँच विकेट गुमाएर पूरा गर्यो ।
लखनउको जितमा कप्तान लोकेश राहुलले ३५ रन बनाए । क्रुनल पाण्ड्याले ३४, काइल मयेर्सले १३ र निकोलस पुरनले ११ रन जोडे ।
हैदराबादका आदिल राशिदले दुई विकेट लिए । भुवनेश्वर कुमार, फजलहक फारुकी र उम्रन मलिकले समान एक विकेट लिए ।
त्यसअघि, टस जितेर ब्याटिङमा आएको हैदराबादले निर्धारित २० ओभरमा आठ विकेट गुमाएर १२१ रनको योगफल खडा गरेको थियो ।
हैदराबादका राहुल त्रिपाठीले ३४ रन बनाएका थिए । अन्मोलप्रित सिंहले ३१, अब्दुल समदले २१ र वासिंटन सुन्दरले १६ रन जोडे ।
लखनउका क्रुनल पण्ड्याले तीन विकेट लिए । अमित मिश्राले दुई विकेट लिँदा रवि बिस्नोई र यस ठाकुरले समान एक विकेट लिए ।
जितसँगै तीन खेलबाट चार अंक जोडेको लखनउ तालिकाको शीर्ष स्थानमा उक्लिएको छ । दुई खेल खेल्दा पनि खाता खोल्न नसकेको हैदराबाद भने तालिकाको पुछारमा छ ।