एमाले निकट लोकतान्त्रिक जनजाति महासंघको अध्यक्षमा पासाङ शेर्पा

काठमाडौं। नेकपा (एमाले) निटक लोकतान्त्रिक आदिवासी जनजाति महासंघको अध्यक्षमा पासाङ शेर्पा तोप्केगोला चयन भएका छन् । त्यस्तै, महासंघको महासचिवमा पेम्बा भोटे चयन भएका छन् ।

महासंघको १९ र २० चैतमा भएको दोस्रो राष्ट्रिय महाधिवेशनले शेर्पालाई अध्यक्ष र भोटेलाई महासचिवमा चयन गरेको हो । अध्यक्ष र महासचिवमा चयन भएका दुवै जना पूर्व सांसद् हुन् । आदिवासी जनजाति महासंघको अध्यक्ष समेत भइसकेका शेर्पा एमालेको केन्द्रीय सदस्य हुन् ।

त्यस्तै, भोटे पनि आदिवासी जनजाति महासंघको पूर्व महासचिव हुन् । लोकतान्त्रि महासंघमा उनी यसअघि पनि महासचिवकै जिम्मेवारीमा थिए । त्यस्तै, उपाध्यक्षमा ज्ञानेन्द्र पुन, बिजयसिंह लोप्चानसहित अन्य दुई चयन भएका छन् । उपमहासद्धिवमा देवराज राई र प्रेम श्रेष्ठ चयन गरिएका छन् । केषाध्यक्षमा ज्योति लामा चयन भएका छन् ।