काठमाडौँ । ‘मिस नेपाल वर्ल्ड २०२४’ को उपाधि आश्माकुमारी केसीले जित्नुभएको छ । आज गोदावरीस्थित सनराइज सम्मेलन केन्द्रमा भएको अन्तिम प्रतिस्पर्धामा २५ प्रतिस्पर्धीलाई पछि पार्दै…
![](https://fairnepal.com/wp-content/uploads/2023/03/rain.jpg)
काठमाडौंसहित यी स्थानमा भइरहेको छ वर्षा, कोसी प्रदेशमा पनि आज पानी पर्ने
काठमाडौं । पश्चिमी र स्थानीय वायु सक्रिय हुँदा आज बिहानैबाट देशका केही भागमा वर्षा भइरहेको छ । बिहान सुदूरपश्चिमबाट सुरु भएको वर्षा अहिले कर्णाली, लुम्बिनी र मधेस प्रदेशमा भइरहेको छ ।
सुदूरपश्चिममा भने अहिले पानी पर्नेक्रम रोकिएको छ । “अहिले लुम्बिनी, कर्णाली, वाग्मती र मधेस प्रदेशका केही स्थानमा वर्षा भइरहेको छ,” मौसमविद् गोविन्दकुमार झाले भने, “केही समयदेखी काठमाडौंको पश्चिमी भागमा वर्षा भइरहेको छ ।” काठमाडौं उपत्यकामा मेघगर्जन पनि सुरु भएको उनले जानकारी दिए ।
काठमाडौंसँगै वाग्मती प्रदेशको मकवानपुर क्षेत्रमा अहिले वर्षा भइरहेको छ । पश्चिमबाट पूर्वतर्फ मौसमी प्रणाली सर्नेक्रममा रहेकाले आज कोसी प्रदेशमा पनि वर्षा हुने मौसमविद् झाले बताए ।
“आज देशैभर वर्षा हुनेछ । केही समयपछि कोसी प्रदेशमा पनि वर्षा हुनेछ,” उनले भने, “पश्चिमबाट पूर्वतर्फ सर्ने क्रममा रहेको मौसमी प्रणाली अहिले सीमरा र वीरगञ्ज क्षेत्रमा पुगेको छ । उक्त क्षेत्रमा अहिले वर्षा भइरहेको छ ।”
तराई र पहाडी क्षेत्रमा हावाहुरीको पनि सम्भावना रहेकाले सतर्क हुन उनको आग्रह छ । “यो प्रणाली भोलिसम्म सक्रिय हुने भएकाले देशका धेरै स्थानमा भोलिसम्म वर्षाको सम्भावना छ,” मौसमविद् झाले भने ।
हाल नेपालमा स्थानीय र पश्चिमी वायुको प्रभाव रहेको छ ।