घट्यो नम्बरी सुनको भाउ, तोलाको कति ?

काठमाडौँ । नेपाली स्थानीय बजारमा सुनचाँदीको मूल्यमा गिरावट आएको छ ।

शुक्रबार ९२ हजार ५ सयमा कारोबार भएको छापावाला सुनको मूल्य आज प्रतितोलदा ७ सय रुपैयाँले घटेर ९१ हजार ८ सयमा किनबेच भइरहेको छ ।

त्यस्तै तेजाबी सुनको मूल्यमा पनि गिरावट आएको नेपाल सुनचाँदी व्यवसायी महासङ्घले जनाएको छ ।

महासङ्घका अनुसार आज तेजाबी सुन प्रतितोला ७ रुपैयाँले घटेर ९१ हजार ३ सयमा किनबेच भइरहेको छ ।

यस्तै चाँदीको मूल्य प्रतितोला ३० रुपैयाँले घटेर १ हजार २ सय ३० रुपैयाँ कायम भएको छ । शुक्रबार चाँदीको मूल्य प्रतितोला १ हजार २ सय ६० रुपैयाँ रहेको थियो ।