पाल्पामा देउसी भैलो खेल्न प्रतिबन्ध

पाल्पा । पाल्पामा यो वर्ष तिहारमा देउसी, भैलो खेल्न नपाइने भएको छ । कोरोना संक्रमणको जोखिमका कारण यो वर्ष देउसी भैलो खेल्न नपाइने भएको हो ।

जिल्ला प्रशासन कार्यालय पाल्पाले संक्रमणको जोखिम कायमै रहेकाले देउसी, भैलो नखेल्न सबैमा आग्रह गरेको छ । चाडपर्वका बेला सामाजिक विकृतिका रुपमा रहेको जुवातास नखेल्न समेत प्रशासनले आग्रह गरेको हो ।

प्रशासनले एक सूचना जारी गर्दै संक्रमण बढ्दै गएकाले घरमै बसेर रमाइलोका साथ परिवारमा पर्व मनाउन अनुरोध गरेको छ ।

प्रमुख जिल्ला अधिकारी रमेश न्यौपानेद्वारा जारी गरिएको सूचनामा भुइचम्पा र पटका पड्काउने, आतासबाजी गर्ने जस्ता कार्यहरुबाट जनस्वास्थ्य तथा शान्ति सुरक्षामा असर पर्न जाने हुँदा त्यस्ता विष्फोटक तथा प्रज्वलनशिल पदार्थहरुको खरिद, विक्री वितरण, ओसारपसार तथा प्रयोग नगर्न नगराउनुहुन उल्लेख गरिएको छ ।

कोही कसैले सूचनाको उल्लंघन गरे कानुनअनुसार कारवाही गरिने जनाइएको छ । ०००

Leave a Reply

Your email address will not be published. Required fields are marked *