काठमाडौँ । वीरताको कथा र देशभक्तिलाई केन्द्रमा राखेर नेपालमा कमै चलचित्र बन्ने गरेका छन् । अनुसन्धानमा समय र निर्माण लागत धेरै लाग्ने भएकाले पनि निर्माता…
सिन्धुपाल्चोक पहिरो अपडेटः ३७ घर पुरिए, ३८ जना बेपत्ता
काठमाडौँ । सिन्धुपाल्चोकको जुगल गाउँपालिका–२ लिदीमा बिहान गएको पहिरोले ३७ घर पुरिएका छन् भने ३८ जना बेपत्ता भएका छन् ।
उद्धारको काम भइरहेको जुगल गाउँपालिकाका अध्यक्ष होमनारायण श्रेष्ठले नाइस टेलिभिजनलाई जानकारी दिनुभयो । उद्धारका लागि सेना, सशस्त्र, प्रहरी र हेलिकोप्टर खटाइएको छ । मौसमका कारण हेलिकोप्टर ल्याण्ड गर्न कठिन भए पनि तीन वटा हेलिकोप्टर परिचालन गरिएका छन् ।
पहिरो गएको ठाउँ जुगल गाउँपालिकाको कार्यालयबाट निकै टाढा पर्दछ । पहिरो खबर सुन्नासाथ हेलिकोप्टरमा जुगल जानु भएका सभामुख अग्नि सापकोटाले पहिरो गएको ठाउँको स्थलगत निरीक्षण गर्नु भएको छ । उहाँ गएको हेलिकोप्टरले केही घाइतेको उद्धार गरेको छ । सापकोटा सिन्धुपाल्चोक २ बाट प्रतिनिधिसभामा निर्वाचित हुनु भएको थियो ।०००