काठमाडौँ । बुद्धजयन्तीको अवसर पारेर बिहीबारदेखि प्रदर्शन सुरु गरिएका दुई नयाँ चलचित्र ‘फर्की फर्की’ र ‘पुजार सार्की’ लाई दर्शकले साथ दिएका छन् । प्रदर्शनको पहिलो…
![](https://fairnepal.com/wp-content/uploads/2018/07/pm-office-mantri-parisad-.jpg)
२ सय बढी कोरोना सक्रिय संक्रमित भएका जिल्लामा आवतजावत बन्द
काठमाडौं । सरकारले कोरोना भाइरस सक्रिय संक्रमित २ सयभन्दा बढी जिल्लामा आवतजावत बन्द गरेको छ । सोमबार बसेको मन्त्रिपरिषद् बैठकले उक्त निर्णय गरेको हो ।
सरकारका प्रवक्ता अर्थ तथा सूचनामन्त्री डा. युवराज खतिवडाले सरकार लकडाउनको अवस्थामा नफर्किएको बताउँदै २ सय भन्दा बढी सक्रिय संक्रमित भएका जिल्लामा आवतजावत बन्द गरिएको जानकारी गराउनुभयाे । उहाँका अनुसार काठमाडौं उपत्यकाका तीन जिल्लाबाहेकका जिल्लामा यो नियम लागु हुनेछ । ती जिल्लामा आवातजावत गर्नुपरेमा सम्बन्धित स्थानीय प्रशासनको अनुमति लिनुपर्नेछ । जिल्ला प्रशासन कार्यालयले पनि कारण खुलाएर अत्यावश्यक कामका लागि मात्रै पास जारी गर्नुपर्ने निर्णय समेत सरकारले गरेको छ ।
यसैबीच सरकारले भारतबाट नेपाल आउने नागरिकका लागि मुलुकका विभिन्न १० वटा नाका मात्रै प्रयोगमा ल्याउने भएको छ ।
डा. खतिवडाले भारतबाट स्थलमार्ग हुँदै आउने नागरिकले लागि अब काकडभिट्टा, रानी, माधव, गौर, वीरगन्ज, बेलहिया, कृष्णनगर, जमुनाहा, गौरीफन्टा र गड्डाचौकी नाका प्रयोग गर्न पाउने बताउनुभयाे ।