कोरोना अपडेट : संक्रमितको सङ्ख्या २१ हजार नाघ्यो, ५८ जनाको मृत्यु

काठमाडौँ । नेपालमा कोरोना भाइरसका संक्रमितको संख्या २१ हजार नाघेको छ । पछिल्लो २४ घण्टाको अवधिमा २ सय ५९ जना नयाँ संक्रमित थपिएसँगै कुल संक्रमितको संख्या २१ हजार नौ पुगेको स्वास्थ्य तथा जनसंख्या मन्त्रालयले जनाएको छ ।

स्वास्थ्य तथा जनसंख्या मन्त्रालयले आफ्नो दैनिक पत्रकार सम्मेलनमा नेपालमा पाँच हजार ९२५ जनामा कोरोना भाइरसको सङ्क्रमण सक्रिय रहेको प्रवक्ता डा जागेश्वर गौतमले जानकारी दिनुभयो ।

मन्त्रालयका अनुसार पछिल्लो २४ घण्टामा छ हजार ५९४ जनाको स्वाब परीक्षण गरिएको छ । हाल दश हजार २६ जना क्वारेन्टाइनमा छन् ।

मन्त्रालयका प्रवक्ता डा. गौतमले पछिल्लो चौबीस घण्टामा ६५ जना संक्रमित निको भएर घर फर्केका छन् । यो सँगै हालसम्म १५ हजार २६ जना संक्रमित कोरोना मुक्त भइसकेका छन् ।

नेपालमा कोरोना संक्रमणबाट अहिलेसम्म ५८ जनाको मृत्यु भएको छ । ०००