काठमाडौँ । बुद्धजयन्तीको अवसर पारेर बिहीबारदेखि प्रदर्शन सुरु गरिएका दुई नयाँ चलचित्र ‘फर्की फर्की’ र ‘पुजार सार्की’ लाई दर्शकले साथ दिएका छन् । प्रदर्शनको पहिलो…
![](https://fairnepal.com/wp-content/uploads/2019/05/Court.jpg)
वन्यजन्तु मारेको अभियोगमा मुद्दा दर्ता
जमुना गजुरेल
बिदुर । जिल्ला प्रहरी कार्यालय नुवाकोटले तादी गाउँपालिकाका स्थानीय दुई जनालाई हातहतियार तथा खरखजानाअन्तर्गत मुद्दा चलाएको छ ।गत असार ११ मा भरुवा बन्दुक प्रयोग गरी वन्यजन्तु मारेको आशंकामा तादी–१ का ४६ वर्षीय वीरबहादुर मोक्तान र सोही ठाउँका ४२ वर्र्षीय श्यामबहादुर मोक्तानलाई प्रहरीले आज मुद्दा चलाएको हो ।
लाङटाङ राष्ट्रिय निकुञ्ज कार्यालयले चोरी निकासी तथा (आखेटोपहार) ओसारपसार कसुरमा अभियुक्तद्वयलाई आवश्यक अनुसन्धान गरेको बताइएको छ । जिल्ला प्रहरी कार्यालयका प्रहरी निरीक्षक विष्णुहरि फुयाँलले उनीहरुलाई निकुञ्जले अनुसन्धान प्रश्चात् जिल्ला प्रहरी कार्यालयलाई आवश्यक कारवाहीको लागि आज बुझाएको जानकारी दिनुभयो । पक्राउ परेका उनीहरुको साथबाट भरुवा बन्दुक एक थान, बन्दुकमा लाग्ने पार्टपूर्जा दुई थान, बारुद अन्दाजी बीस ग्रामसहित पक्राउ परेको प्रहरी निरीक्षक फुयाँलले जानकारी दिनुभयो ।