गौडेपुलमा पटक पटक पहिरो, सिद्धार्थ राजमार्ग फेरि अवरुद्ध

सुनिल कार्की 
पाल्पा । सिद्धार्थ राजमार्ग अन्र्तरगत बुटवल –पाल्पा सडक खण्ड अवरुद्ध भएको छ । सडक खण्डको तानसेन ८ गौडे पुल नजिकै पहिरो जाँद राजमार्ग अवरुद्ध भएको हो ।

गए राति ८ ः३० बजेबाट अवरुद्ध सडक अहिले सम्म खुल्न सकेको छैन । सडक डिभिजन कार्यालयले ढिलो गरि जेसिबि पठाउदा सडक खुलाउन समय लाग्ने गरेको छ । अहिले स्काभेटर र रोलर डोजर प्रयोग गरि पहिरो पन्छाउने काम भईरहेको प्रभास प्रहरी चौकिले जनाएको छ ।

अहिले द्रुत गातिमा पहिरो हटाउने काम भईरहेकोले दिउँसो १ बजेसम्म सडक खुल्ने सम्भावना रहेको प्रभास प्रहरी चौकिका प्रमुख एक्का बहादुर नेपालीले जानकारी दिनुभयो ।

सडक अवरुद्ध हुँदा ठुला र मालबाहक सवारी गएराति देखि बिच बाटोमै रोकिएका छन भने साना र फोर हुइल गाडिले डुम्रे मस्याम हुँदै झुम्साको वैकल्पीक बाटो प्रयोग गर्ने गरेका छन ।