ह्वात्तै घट्यो सुनको मूल्य, तोलाको कति ?

काठमाडौँ । स्थानीय बजारमा सुनको मूल्यमा गिरावट आएको छ । नेपाल सुनचाँदी व्यवसायी महासंघका अनुसार साताको अन्तिम दिन शुक्रबार छापावाला सुनको मूल्य प्रतितोला ९० हजार ५ सय कायम गरिएको छ । यो मूल्य बिहीबारको तुलनामा ५ सय रुपैयाँले कम हो । बिहीबार छापावाला सुन प्रतितोला ९१ हजारमा कारोबार भएको थियो ।

त्यस्तै तेजाबी सुन प्रतितोला ९० हजार ६५ रुपैयाँमा किनबेच भइरहेको महासंघले जनाएको छ ।

केहीदिनदेखि लगातार उकालो लागिरहेको सुनको मूल्य साताको पाँचौ दिन उँधो लागेको हो । पछिल्लो दुई दिनमा मात्रै सुनको दरभाउ १२ सय रुपैयाँले घटेको छ ।

चाँदीको मूल्य साविक दिनको तुलनामा १० रुपैयाँले घटेर प्रतितोला ९ सय ४० रुपैयाँमा कारोबार भइरहेको छ ।

Leave a Reply

Your email address will not be published. Required fields are marked *