नेपालमा कोरोना संक्रमितको सङ्ख्या ५ हजार नाघ्यो

काठमाडौँ । नेपालमा कोरोना संक्रमितको संख्या ५ हजार नाघेको छ । पछिल्लो २४ घण्टामा मात्रै थप ४ सय ४८ जनामा कोरोना भाइरस संक्रमण पुष्टि भएको छ ।

एकै पटक यतिधेरै सङ्ख्यामा कोरोना संक्रमित थपिएको यो पहिलो पटक भएको स्वास्थ्य मन्त्रालयले जनाएको छ ।
स्वास्थ्य तथा जनसंख्या मन्त्रालयका अनुसार हालसम्म ८ सय ७७ जना कोरोना संक्रमित निको भएर घर फर्किएका छन् । जसमा ७ सय ८६ जना पुरुष र ९१ जना महिला रहेका छन् ।

कुल संक्रमित मध्ये १६ जनाको मृत्यु भएको छ । ०००