एकै दिन थप २ सय ७८ जनामा कोरोना संक्रमण पुष्टि

काठमाडौँ । शुक्रबार २ सय ७८ जनामा कोरोना संक्रमण पुष्टि भएको छ । योसँगै नेपालमा कुल संक्रमितको संख्या २९ सय नाघेको स्वास्थ्य तथा जनसंख्या मन्त्रालयले जनाएको छ ।

पछिल्लो २४ घण्टामा दैलेखमा ९१ जना, कपिलवस्तुमा ४४ जना, प्रदेश १ मा ३९ जनामा कोरोना संक्रमण देखिएको मन्त्रायमा आयोजित नियमित पत्रकार सम्मेलनमा प्रवक्ता डा विकास देवकोटाले जानकारी दिनुभयो ।

कोरोना भाइरस संक्रमणका कारण नेपालमा अहिलेसम्म ११ जनाको मृत्यु भइसकेको छ ।