काठमाडौँ । वीरताको कथा र देशभक्तिलाई केन्द्रमा राखेर नेपालमा कमै चलचित्र बन्ने गरेका छन् । अनुसन्धानमा समय र निर्माण लागत धेरै लाग्ने भएकाले पनि निर्माता…
देउवा प्रधानमन्त्री हुँदा फेल भएको संविधान संशोधन प्रस्ताव व्युँताउने कांग्रेसको कसरत
काठमाडौँ । मुख्य विपक्षी कांग्रेसले शेरबहादुर देउवा प्रधानमन्त्री हुँदा फेल भएकै संविधान संशोधन प्रस्ताव व्युँताउने भएको छ ।
कांग्रेसले अघिल्लो सरकारका पालामा संसदमा दुई तिहाइ पु¥याउन नसकेर तीन वर्षअघि फेल भएकै प्रस्ताव फेरि व्युँताउन लागेको हो । शनिवार ८ घण्टा चलेको कांग्रेस बैठकले देउवा नेतृत्वको सरकारले ल्याएको संशोधन प्रस्ताव पुनः दर्ता गर्न संसदीय दललाई निर्देशन दिएको थियो ।
उपसभापति विमलेन्द्र निधिलगायतले यो प्रस्ताव फेरि ल्याउन माग गरेपछि कांग्रेसले यस्तो निर्णय गरेको हो । आइतवार मात्रै सरकारले लिम्पियाधुरासहितको नक्सालाई निशान छापमा राख्न भन्दै संसदमा संविधान संशोधन प्रस्ताव पेश गरेको छ । कांग्रेसले यो प्रस्तावको पक्षमा मतदान गर्न संसदीय दललाई निर्देशन दिइसकेको छ । तर, यही बेला कांग्रेसले अर्को चलाखि पनि गरेको छ । संविधान संशोधनको च्याँखे दाउँ कुरिरहेका राजपा र समाजवादी पार्टीलाई समेत खुसी पार्ने गरी कांग्रेस दोहोरो भूमिकामा देखिएको हो ।
तर, राजपाका नेताहरुले भने कांग्रेसले औपचारिकता लागि मात्रै नभई पारितै गर्न सक्नेगरी संशोधन प्रस्ताव ब्युँताउनु पर्ने बताएका छन् । त्यो बेला कांग्रेसले संसदमा पेश गरेको संशोधनमा भाषा, वैवाहिक अंगीकृत नागरिकता, जनसंख्याको अनुपातमा निर्वाचित हुने व्यवस्थासहित प्रदेशको संख्या तथा सीमाङ्कन हेरफेरका लागि संघीय आयोग गठन गर्नेसम्मका विषय समावेश छन् ।०००