काठमाडौँ । ‘मिस नेपाल वर्ल्ड २०२४’ को उपाधि आश्माकुमारी केसीले जित्नुभएको छ । आज गोदावरीस्थित सनराइज सम्मेलन केन्द्रमा भएको अन्तिम प्रतिस्पर्धामा २५ प्रतिस्पर्धीलाई पछि पार्दै…
![](https://fairnepal.com/wp-content/uploads/2020/05/kp-sharma-oli-bamdev-gautam.jpg)
सामाजिक सञ्जालमा ओलीको तारिफ, बामदेवको तात्यो कन्सिरी
काठमाडौँ । लिम्पियाधुरासहितको नयाँ नक्सा पारित गरेपछि प्रधानमन्त्रीको जय–जयकार गरिएकोप्रति नेकपाकै उपाध्यक्ष वामदेव गौतमले विमत्ति जनाउनु भएको छ ।
उपाध्यक्ष गौतमलाई यसरी एउटा व्यक्तिको जय–जयकार गरेको फिटिक्कै मन नपरेको कुरा सार्वजनिक भएको हो । उपाध्यक्ष गौतमले लिम्पियाधुरासहितको नक्सा पार्टी निर्णय अनुसार पारित भएकाले निश्चित व्यक्तिको देवत्वकरण गर्न जरुरी नरहेको बताउनु भएको छ ।
उहाँले अनुयायीहरु व्यक्ति केन्द्रित हुन्छन् र निश्चित व्यक्तिका नामलाई देवत्वकरण गर्न व्यस्त हुने प्रचलन विद्यमान छ भन्दै यो निर्णय पार्टीको सामूहिक निर्णयप्रक्रिया अनुसार भएर, नेपाल सरकारबाट पनि त्यहीअनुरुप अनुमोदन भएको वास्तविकतालाई सबैले स्वीकार गर्नुपर्ने धारणा राख्नु भएको छ ।
सोमवार मात्रै सरकारले लिम्पियाधुरासम्म भु–भाग समेटेर नेपालको नक्सा पारित गरेको थियो । नक्सा पारित भएकोमा प्रधानमन्त्री एवम् पार्टी अध्यक्ष केपी ओली निकटका नेता कार्यकर्ताहरुले प्रधानमन्त्री ओली र भूमि व्यवस्था मन्त्री पद्मा अर्यालको उच्च प्रशंसा गरिरहेका छन् ।