काठमाडौँ । ‘मिस नेपाल वर्ल्ड २०२४’ को उपाधि आश्माकुमारी केसीले जित्नुभएको छ । आज गोदावरीस्थित सनराइज सम्मेलन केन्द्रमा भएको अन्तिम प्रतिस्पर्धामा २५ प्रतिस्पर्धीलाई पछि पार्दै…
![](https://fairnepal.com/wp-content/uploads/2020/04/Coronavirus-Test.jpg)
सर्लाहीमा १४ वर्षीय बालकमा आरडीटी टेस्ट पोजेटिभ, स्वाब काठमाडौं पठाइयो
सर्लाही । –यापिड डायग्नोष्टिक टेस्ट किटबाट गरिएको परीक्षण (आरडीटी) मा पोजिटिभ देखिएका सर्लाही धनकौलका बालकको स्वाब पीसीआर विधिबाट परीक्षण गर्न काठमाडौं पठाइएको छ ।
गत चैत २३ गते भारतको दिल्लीबाट आएका १४ वर्षीय बालकको शुक्रवार बेलुका आरडीटी परीक्षणमा पोजेटिभ रिपोर्ट आएको थियो । त्यस लगत्तै धनकौल क्वारेन्टाईनमा राखिएका बालकलाई प्रादेशिक अस्पताल, जनकपुरको आइसोलेसनमा पु¥याएर भर्ना गरिएको छ । दिल्लीको एक झोला कारखानामा काम गर्ने बालकलाई रौतहटको गौर हुँदै घर आएको सूचना पाउने बित्तिकै प्रहरीले क्वारेन्टाइनमा लगेर राखेका थिए ।
बालकसँगै क्वारेन्टाईनमा राखिएका अर्का एक पुरुषलाई पनि जनकपुर पठाइएको छ । आरडीटी परीक्षणमा ती पुरुषको भने नेगेटिभ रिपोर्ट आएको थियो । स्रोतका अनुसार आरडीटी परीक्षणमा पोजेटिभ रिपोर्ट आएको बालकको स्वाब परीक्षणका लागि जनकपुरबाट शनिबार काठमाडौं पठाइएको छ । स्वाबको पीसीआर परीक्षणको रिपोर्ट आउन केही समय लाग्ने चिकित्सकले बताएका छन् ।
सर्लाहीमा हालसम्म क्वारेन्टाईनमा बसेका ६८ जनाको आरडीटी परीक्षण गरिएको छ । जसमा धनकौलका एक बालक बाहेक सबैको रिपोर्ट नेगेटिभ आएको छ । आज मात्रै चक्रघट्टा गाउँपालिकाको क्वारेन्टाइनमा रहेका दुई जनाको आरडीटी रिपोर्ट नेगेटिभ आएको प्रमुख जिल्ला अधिकारी मोहनबहादुर जिसीले जानकारी दिनुभयो ।
शनिबारसम्म जिल्लाको चन्द्रनगर, हरिपुर, लालबन्दी, कौडेना, धनकौल र चक्रघट्टाको क्वारेन्टाइनमा बसेकाहरुको ¥यापिड टेष्ट गरिएको छ ।