काठमाडौँ । वीरताको कथा र देशभक्तिलाई केन्द्रमा राखेर नेपालमा कमै चलचित्र बन्ने गरेका छन् । अनुसन्धानमा समय र निर्माण लागत धेरै लाग्ने भएकाले पनि निर्माता…
बारामा अविवाहित केटीलाई मोबाइल बोक्न प्रतिबन्ध
वीरगञ्ज । बाराकाे एक स्थानीय तहमा अविवाहित केटीलाई मोबाइल बोक्न प्रतिबन्ध लगाइएको छ । जिल्लाकाे सिम्रौनगढ नगरपालिका वडा नं ५ मा बुधबार बसेको वडास्तरको बैठकले अविवाहित केटीलाई मोबाइल बोक्न रोक लगाउने निर्णय गरेको हो ।
वडा अध्यक्ष रामबहादुर कुर्मी पटेलका अनुसार कम उमेरमा भागेर विहे गर्ने क्रम बढेपछि वडा समितिमा छलफल पछि अविवाहित केटीलाई मोबाइल बोक्न रोक लगाउने निर्णय गरिएकाे हाे ।
अविवाहित केटा घरबाहिरको काममा रहने भएकोले उनीहरुलाई भने मोबाइल बोक्नमा प्रतिबन्ध नलगएको वडाध्यक्ष कुर्मीले बताए ।